2 August 2020

Rita Prigmore

Praʒivde kotar o genocìdi

Seripnasqo vakeripe p-o 2-to Avgust 2020, Memoriàlo Dives e Genocidesqo vaś o Sìnte aj o Rroma

Kamle amala,

Avdives sam akate te seras o 2-to Avgust and-i memòria e Sintenqe aj Rromenqe genocidesqi. Mo anav si Rita Prigmore, sinom Sintìca aj praʒivdom o genocìdi. Avdives sinom akate te mothovav tumenqe miri història, miri ta mire familiaqi.

Amen o Sìnte and-o Würzburg samas masarde sar sa o avera, aj po but amare familiaθar sas sterilizome, odola save na sine tradine k-o Auschwitz aj save sas deportome. Me sinom dujorri. Mi dujorri phen aj me biandilam and-o 3-to Mars 1943 aj o Gestapo lias amen tar amari Daj. Kerde eksperimènte pe amende, pe mi phen i Rolànta ta pe manθe, zumavde te paruven i rrang amare jakhenqi. Aj ʒi avdives si man sastipnasqe problème kotar lenqe eksperimènte. Sofòra anel manqe k-i godi sarkon dukh.

Mi tikni phen nas la kadiki baxt. Oj muli kotar o eksperimènte kaj mangle te paruven laqe jakhenqi rrang. O raj Heyde kerda akaja buti akate. Eksperimènte sar kadala kerel sas and-o Auschwitz o Mengele. Sinom but lośali aj naisarav e Devles kaj aćhilom ʒivdi.

O racìsmo lias palpalem mamuj amenθe, Rroma, Sìnte aj Ʒuta. Amen musaj te aćhovas ʒivde aj te kidinǒvas khetane mamuj sarsavo racìzmo, mamuj sarsavi xir. Naj te dikhel pes katar sian, amen savorre sam manuśa aj normal si te patǎs kaj sam o ćhave e Devlesqe. No varekana o Devel na del vast. Kadial, amen trebul te das vast amen korkorre aj te tordǒvas jekh avresqe.

O ternikano kidipe Dikh He Na Bister sikavel sode si vasne vaś o ternimàta i memòria ta i història. Amen nivar na trebul te bistras i història e Genocidesqi. Me kamav tumen te tordǒn mançar – sarkon dives – mamuj o racìzmo, mamuj i xir ta mamuj o bangipe and-o sundal.

Biogràfia

Rita Prigmore’s mother was forced into sterilization. Since she was pregnant, she should have an abortion first. However, during an examination the doctors discovered that she would give birth to identical twins. Therefore, she was able to give birth on March 3, 1943 in Würzburg. Shortly thereafter, the director of the Würzburg University Psychiatric Hospital, Werner Heyde, began to carry out cruel “twin experiments” on the siblings Rita and Rolanda. Her sister died after a short time when the doctors tried to change the colour of her eyes with ink. Rita remained subject to the inhuman experiments of the regime for a year. She still suffers from dizziness, headaches and concentration problems. Only after the end of the war and only after emigration to the USA, Prigmore was able to reconstruct what had happened to her. Since then she has been spreading her story. So her experiences, as well as those of her mother, are archived in the Holocaust Memorial in Washington. With the support of the Community of Sant ‘Egidio, she gives lectures all over Europe on the Nazi persecution of the Sinti and Roma.

Mothovimàta e genocidesqe praʒivdenqe

Webkùjbo kerdo kotar

Webkùjbo dino dumo kotar

Partnèrǎ