Bärbel Bas

Seravutno àkti k-o Evroputno Dives e Seripnasqo vaś o Genocìdi e Sintenqo aj Rromenqo p-o 2to Avgust 2024 k-o purano nazìsto kàmpi e koncentraciaqo aj eksterminaciaqo Auschwitz-Birkenau

Rajnie Klasing,  

Raja Rumanowski,   

Tumare vakerimàta azbande man but.  

I Germanìa dias terìblo dukha tumenqe aj tumare familienqe. Tumen sas te nakhaven o bengesthan. Manqe si bari patǐv kaj sen akate avdives!  

Raja Rose,   

Manglan manθar te vakerav avdives.  

Akate, and-o Auschwitz.  

Akava than savo si oborkha but phnadlo te familiaqe dukhaça.    

Aj e dukhaça e Sintenqi aj rromenqi kotar sa i Evròpa.

To aoharipe ande akava Memoriàlo Dives sikavel jekh baro patǎpe.  

Manqe si but vasno.   

Iʒ, dikhlom o purano kàmpo.  

Si man dukh aj laʒ kana dikhav save krìmǎ kerde o germànǎ akate.    

Raja Kwiatkowski, Rajnie Kidawa-Błońska, Raja Rousopoulos Rajnie Schwesig, Rajnie Roth, Raja Dayan, Kolègura, Ranǎ!len aj Raja!len

Val si vòrbe te mothoven o dukhavipe so phandlol pes akale thaneça?   

O Rrom e Italiaqo o Santino Spinelli kerda sar kerda aj arakhla vòrbe te mothovel so naśti phenel pes:    

Lesqi poèzia, ‘Auschwitz’ si kotor e Memorialesqo vaś o Sìnte aj Rroma viktìme e nacional socializmosqe.   

O memoriàlo dikhlǒl kotar o germanikano Bundestag.   

Citonav: 

Muj šukkó

kjá kalé

vušt šurde

kwit

Jilo čindó bi dox

bi lav

nikt

ruvbé  

O Auschwitz si sinonìmo e maj bare krimaça so kerdi kotar o manuśa mamuj o manuśa.

Si sinonìmo e phagipnaça e civilizaciaça, so śirdias i Germanìa.   

E mangipnaça te nićharel e Evroputne ʒuten.   

E genocideça e Sintenqo aj Rromenqo.  

Akate and-o Auschwitz, o raciàlo fanatìzmo e nazistenqo uśtilo opre ʒi k-o dìvio khoslipe e manuśikane ʒivimatenqo.  

I intència sas te khosen sa e Ʒuten, sa e Sinticen aj e Sinten, sa e Rromněn aj Rromen. i

Ranǎ!len aj Raja!len,   

Akate, ande akava than, sas o kàmpo vaś o Sinte aj Rroma.  

Anglal oxtovardeś berś sar avdives, o kampesqe phandline sas mudarde.   

Ande jekh rǎt korkorri, o nazìstǎ legarde zorǎça ʒi k-o 4300 ćhaven, ʒuvlěn aj murśen and-o livnǎ e gazosqe.   

Palem o Sìnte aj Rroma marde pen. Gevaja kotar aver grùpe phandlinenqe mothovde okola zorale marimàta. Vi o ʒuvlǎ vi o murśa rezistonde tromanes kana cirden sas len avrial tar lenqe baràke. Śundǒn sas rovimàta ʒi kana ratilo.   

Sar o SÌnte aj Rroma maren sas pen vaś lenqo ʒivipe and-o Auschwitz, i Polskaqi Armia e Themesqi astarda i rezistènca and-i Varśàva.   

Vi akava si vareso savo seras partikular akaja var, k-o kontèksti e 80-tone pheriberśesqo kotar o Uśttipe e Varśavaqo.   

Si but cèrra ʒanipe and-i Germanìa kaj o Polàkǎ kotar sa o sèkcie e dostipnasqe rezistone mamuj i okupàcia e germanikane regimesqi – and-o sarkon divesutno ʒivipe, and-o partizòno maripe, and-o Garavdo Them e Polskako.

O Auschwitz si phandlo bi te śaj ovel ulavdo e germanikane maripnaça e nićharipnasqo, maripe savo śirdias e Polskaqe invaziaça.  

Deśa mìe Polàkǎ sas mudarde akate.  

Kethanes mìe phandlinença kotar aver Evroputne Thema.   

Manuśa save na girden sas and-o dikhipe e nazistenqo pal-o sundal vaś aver aśa sas vi n phandle, torturome aj mudarde. Kon vaś lenqe patǎmàta ja relìgia, kon vaś lenqo ćhand e ʒivipnasqo ja vaś lenqi seksualitèta.

Ranǎ!len aj Raja!len,   

Nijekhvar maj anglal na vizitonda o Auschwitz jekh presidènto e Bundestag-esqo.  

Avdives, vakerav tumenqe sar reprezentànta e parlamentesqi savo tordǒl vaś o nevo demokratìko śird e Germaniaqo.   

O agor e nacional socializmesqo nas jekh “òra zèro”.  

Madikh so o germànǎ ande okova vaxt kamle te patǎn kaj sas.  

Aj ćaćimasθe varekana pànda patǎn akava avdives.   

O racìzmo na naślo sades kotar i godi e manuśenqi.   

I dukh e Sintenqi aj Rromenqi nas prinʒandi pal-o maripe.  

O krisa na die e praʒivden kompensàcia.  

Vi maj bilaćhes, kerde dośale e viktimen vaś lenqi persekùcia.  

O genocìdi e Sintenqo aj Rromenqo sas phandlo and-o citǒpe aj denisardo.  

Phares khajekh e dośalenθar pokinda vaś so kerda.  

And-o kòntra: o praʒivde malavdie lenqe persekutoren and-o viramlinǎ e themesqe aj a avtoritetenqe. I diskriminàcia sa geli maj dur.   

Si jekh kerki realizàcia:   

Vi and-i demokracìa vazdini, o bivortipen kerdo sas ućhardo citǒpnaça aj o memòrie pala leste sas khosle jekh lùngo vaxt.  

Palpalem, ande akaja demokracìa sas śajutno to marel pes mamuj o khoslipe aj o citǒraripe e memorienqi akale krimenqero.

O Sìnte ta Rroma praʒivde, kethanes penqe ćhavença aj purćhavença, legarde akava maripe.  

On phagle o citǒpe aj thovde i Germanìa anglal laqe krìmǎ.    

On insistonde vaś barabar tretmàno.  

Raja Rose,    

Tu aj Tiri famìlia san sas – aj pànda sen – jekh vasno kotor e Sintenqe aj Rromenqe miśkipnasqo vaś o civìlo hakaja.  

Tumen dien jekh sumnakuno servìso e demokraciaqe aj e seripnasqe kulturaqe and-i Gernània.   

Avdives, i dukh e Sintenqi aj Rromenqi si la jekh zoralo than and-o Germaniaqo publìko seripen.

K-o maśkar e Berlinesqo, jekh monumènti seravel o genocìdi. Sarkon dives, priarel bute vizitoren.  

And-o berśutno dives savo seravel o mestǎripen e Auschwitzesqo, o germanikano Bundestag sofòra thovel ande pesqo seripen e persekutome aj e mudarde Sinten aj Rromen.   

And-o 2011, o Zoni Weisz vakerda and-i ceremònia e seripnasqi vaś o viktìme e nacional socializmesqe, aj mothovda amenqe sar ʒene e Bundestagoesqe i bibaxt so cirdia lesqi famìlia.

Azbanda man but and-o ilo lesqo vakeripe.  

Ranǎ!len aj Raja!len,    

I federàlo republìka e Germaniaqi prinʒanel pi historikani responsabilitèta.    

Akava mandavel vi jekh angaźàcia te marel pes zorales mamuj o anticiganìzmo.   

K-o agor e nakhle berśesqo, o germanikano Bundestag – jekhe bare parlamentarone maźoritetaça – mangle kotar o federàlo raipe te vazdel jekh komìsia vaś o bivortope so kerdǒl mamuj o Sìnte ta o Rroma. Akava sas jekh zoralo semnàli determinaciaqo.  

Vi akana, naśti te phenas kaj and-o dostipe si somʒanipe pal-o genocìdi e Sintenqo aj Rromenqo sar trebul te ovel.   

Vi akana, naśti te phenas kaj and-o dostipe si somʒanipe pal-o genocìdi e Sintenqo aj Rromenqo sar trebul te ovel.   

 O duśmanipe mamuj o SÌnte ta Rroma, aj i diskriminàcia mamuj lenθe pànda si but buxlǎrde.   

  O xulaja aj o xulanǎ e kherenqe diskriminin len sar avutne kiraʒìe, o fìrme diskriminin len sar avutne butǎrne. Akava naśti te mukhas!  

  Vi Them varakana na lel sar trebul pesqi historikani responsabilitèta.   

Officials in public administrations often mistrust Sinti and Roma.  

O personèli e sekuritetaqo kerel maj butivar kontròle p-o Sìnte ta Rroma, vi kana naj khanć kaj te kerel len suspèkto.  

Aj butivar o siklǎrne si pherdi lenqi godi kaj o Sìnte aj o Rroma na ka ovel len laćhe rezultàte k-i śkòla.  

Trebul jekh paruvipe e gndipnasqo ande but umala e dostipnasqe.    

Na maj te roden pen dośale buzne!  

Na maj telavipe aj eksklùzia!   

Trebul amenqe respèkto aj priaripe.  

I demokracìa siguronel o brakhipe e minoritetenqo.  

Vaś i demokracìa te luludǒl, sa o themutne musaj te ovel len vipal hakaja.  

Bi kondiciaqo aj bi rezervaqo.  

Ranǎ!len aj Raja!len,    

Miliònǎ germànǎ gele pal-o Hitler – but lenθar sar entuziastikane suportèrǎ, i maźoritèta kon maj cèrra aj kon maj but mangipnaça.  

Sar śajisarde on te dikhen pe aver rig kana lenqe komśìe sas kidime kotar o khera aj deportuime? Sar kerdile on entuziàsto kotar o antisemitìzmo, o anticiganìzmo aj o racìzmo?

Sar ondilo te ovel Auschwitz?   

  Akala pućhimàta aćhon relevànto avdives.  

Vi avdives, si fòrce save mangen te ulaven amare dostimàta ande “Amen” thaj “On”.   

  Fòrce save parvaren i xir.  

E Sintenqi aj Rromenqi. E Ʒutenqi.

Xir sa odolenqi save si, ja save phenel pes kaj si, verver.  

Te manglam avdives ‘te rezistonas o śirda’, amen musaj te halǒvas odola ‘śirda’:  

Vi ande okova vaxt, sas o mangipe vaś sìmplo solùcie.  

Jekh prastavipe vaś i demokracìa.  

Patǎpe e manuśenqo kaj i eksklùzia e averenqi na azbal sas len personal.   

Si jekh buti kaj amen preferonas te ispidas amare godǎθar, no na trebul te bistras nijekh var: Kodola save gndinde aj thovde k-i àkcia akava bidikhlo ʒungalipe sas manuśa.

Akava si vareso savo trebul te tinǎzel amen ʒi k-o kòkalo.  

Aj te ovel amenqe sar alàrma.  

Jekh alàrma aj semnàli vaś sa o sundal.