Dorota Niedziela

Statement on the occasion of 2 August 2024, Holocaust Memorial Day for Sinti and Roma

O genocìdo e Sintenqo aj e Rromenqo mukhlas jekh bikhoslǒver vùrma p-i etnikani minoritèta śove milionenqi and-i Evròpa. And-i rǎt p-o 2-to Avgust 1944, 4300 Sìnte aj Rroma mudardile brutal and-o gazosqe livnǎ e Auschwitzesqe- Birkenai. On sas o palutne phandline save sas tradine k-o gazosqe livnǎ and-o ajal akhardo “ciganenqo kàmpo”, buteder phure, ʒuvlǎ ta ćhavorre. Avdives si o 80to pheriberś akale laʒande ondipnasqo.

I likvidàcia e “ciganenqe kampesqi” and-o Auschwitz-Birkenau ka aćhol jekh dukhavno simbòli e citǒpnasqo trujal i tragèdia e sintikane aj rromane viktimenqi. Avdives, 80 berś paleder, amen musaj si te na bistras akaja ratvali krìma mamuj o manuśipe. Avdives, amen phenas zorales sa i vòrba: Amen seras. Ande akava dives amen phenas: Nìjekh var palpalem. I memòria si i bàza e identitetaqi. I identitèta e manuśenqi, e familienqi, e nacienqi aj e khetanimatenqi. Si amari moràlo dutǐ te das patǐv akava dives, mamuj o àkte e xirǎqe, e teroresqe aj e genocidesqe save na khoslile ni and-o modèrno sundal.
humanity. On this day, we say out loud to the whole world: We remember. On this day, we say: Never again. Memory is the basis of identity. The identity of people, families, nations and communities. Honoring this day is our moral duty in the face of acts of hatred, terror and genocide from which the modern world is not
spared.

Amen musaj te na bistras nivar kaj o kàmpi e eksterminaciaqo Auschwitz-Birkenau extermination dikerel gevajipe vaś o ʒuklano mudaripe milione bidośale ʒenenqo save sas cintome e nazistenθar, save sas dilǎrde destruktivone ideologiaça, aj kaj o holokaust si o maj kalo śeraj and-i història e Evropaqi. Avdives, si amari dutǐ te seras aj te sarbarrǎras amare sarkondivesutne akciença kaj o genocìdǎ naj te mukhlǒn nivar maj te kerdǒn.

O ʒanipe pal-o holokaust trebul te ovel ćhivdo vaś savaxt and-i kolektìvo evroputni memòria. O Sìnte ta o Rroma si viktìme e holokaustesqe save butivar si bisterde bute evropianenθar. Ćaćimasθe, on butivar si ekspozuime k-i diskriminàcia aj racìzmo and-o moderno sundal. And-o 2015, i Evroputni Ùnia deklaronda o 2-to Avgust “Evroputno Dives e Seripnasqo vaś o masìvo eksterminàcia e Romenqi aj Sintenqi”.

Kotar o śird e berśenqo 1990, komemoratìvo ondimàta sas inkerde and-i Pòlska and-i memòria sa e viktimenqi save sas ksterminime and-i Evròpa astardi e nazistenθar. And-o dùjto sundalesqo maripe, śela xiliàde Sìnte aj Rroma mudardile, save sas maśkar 30 aj 60% lenqe populaciaqo and-i Evròpa. Nùmaj and-o kàmpo Auschwitz, 23 000 Sìnte ta Rroma sas deportuime te meren ande jekh agoniaqo meripe.

Pe bibaxt, but aj maj but ekstrèmo miśkimàta aj partìe inklǒn and-i Evròpa avdives, save vazden o xirǎqo vakeripe and-o politikano vakeripe. Akalaqe, sar politikànǎ godorne, amen musaj te las àkcia sarkon dives mamuj o avrićhudipe e averenqo aj te brakhas o manuśikane hakaja, lindoj i rig e demokraciaqi.